Það er alltaf einhver í græna sófanum

   

Við í fjölmiðlun ætlum framvegis að taka viðtal við Óskar skólastjóra einu sinni í mánuði um það sem er efst á baugi í skólalífinu. Hvað hefur helst verið á dagskrá þann mánuðinn og hvað er framundan í þeim næsta. Við fengum Óskar til að koma og spjalla við okkur um dagskrá október og nóvember mánaðar.

 

1. Hvað er búið að vera að gerast í skólanum í október ?

Kynningarfundir fyrir foreldra og þeim er nú lokið og tókust þeir mjög vel. Undirbúningur er á fullu fyrir dansmaraþon 10. bekkjar.

 

2. Og hvernig voru foreldrafundirnir sóttir ?

Almennt voru þeir vel sóttir. Foreldrar 1,4 og 8 bekk voru á þriggja tíma fræðslufundum, en aðrir fundir voru á morgnana.

 

3. Hvernig er undirbúningurinn fyrir maraþonið ?

Gríðarlega mikill undirbúningur. Verið er að skipuleggja dagskrá fyrir 26 tíma. Krakkarnir eru að safna áheitum, auglýsingum á maraþonbolina, auglýsingasöfnunin hefur gengið svo vel að það sést varla liturinn á bolunum. Þau eru einnig að skipuleggja dansinn, matarsölu og foreldravaktir.

 

4. Hvað er framundan í skólanum ?

Eftir að maraþoninu lýkur þá erum við með foreldradag og leiðsagnarmat, og síðan er undirbúningur fyrir þemaviku sem er í lok nóvember.

 

5. Þemavikan, hvert verður þemað í ár ?

Það er ekki ákveðið, ef að nemendur hafa góðar hugmyndir þá endilega að koma þeim til kennarana sinna.

 

6. Hvað verða margir dagar lagðir undir þemavinnu ?

Á bilinu 3 - 5 dagar, það fer eftir efninu og svo er endað á friðargöngunni.

 

7. Af hverju var árshátíðin hjá 8. og 9. bekk færð til ?

Vegna þess að það var svo mikið álag í mars og apríl útaf árshátíðum hjá öðrum bekkjum og einnig vegna þess að þetta eru orðnar svo veglegar árshátíðir að það er betra fyrir alla að þeim sé dreift á skólaárið.

 

8. Hvað fara margir að meðaltali í græna sófann á viku ?

Það er alltaf einhver í græna sófanum af einhverjum ástæðum.

 

Helga Þórsdóttir og Særós Gunnlaugsdóttir